रेवदंडा ग्रामपंचायत निवडणुकीत रेवदंडा विकास आघाडीचे सरपंच पदाचे उमेदवार प्रफुल्ल मोरे विजयी

५ नोव्हेंबर २०२३ रोजी अलिबाग तालुक्यातील रेवदंडा ग्रामपंचायत निवडणुकीचे मतदान झाले.निवडणुकीत रेवदंडा विकास आघाडीकडून सरपंच पदाचे उमेदवार प्रफुल्ल मोरे आणि शेतकरी कामगार पक्ष व काँग्रेस पक्ष आघाडीचे उमेदवार संदीप खोत समोरासमोर होते अलिबाग-मुरुडचे आमदार महेंद्र दळवी यांनी ही निवडणूक प्रतिष्ठेची केली होती. दावे,प्रतिदावे,सभा आणि रेल्यांनी रेवदंडा ग्रामपंचायत निवडणूक चांगलीच चर्चेत आली होती.

अखेर 6 नोव्हेंबर रोजी निकाल जाहीर झाला आणि रेवदंडा विकास आघाडीचे उमेदवार प्रफुल्ल मोरे यांनी संदीप खोत यांचा 794 मतांनी पराभव केला.प्रफुल्ल मोरे यांना 3192 आणि संदीप खोत यांना 2398 मते मिळाली नोटाला 70 असे एकूण सरपंच पदासाठी 5660 लोकांनी मतदानाचा हक्क बजावला.

16 ग्रामपंचायत सदस्य असलेल्या रेवदंडा ग्रामपंचायत निकालामध्ये शेकापला-8,काँगेस-1,शिंदेगट-3,भाजप-3,बिनविरोध-1 असे पक्षीय बलाबल राहिले शेकापला सर्वाधिक सदस्य पदाच्या जागा मिळाल्या.